Bi mym erschte Versuech, d Faarläitig sälber z boue, han i d Maschte us Kartonprofyl härgstellt. Das het jo äigentlig gar nid eso schlächt uusgsee. Aber die Konschtruktion het sich halt as vill z ufwändig zäigt, ass i dermit e ganzi Alaag chönnt uusrüschte.
Dr erschti Versuech - e Prototyp
D Faarläitig
Uf em lingge Bild gseet me die äinzelne Däili vom ene Mascht. Für dr Mascht han i Kartonprofyl bruucht, für d Uusleeger Guufe, won i d Chöpfli abzwickt ha. Uf em rächte Bild gseet me derno zwäi fertig montierti und grau gstricheni Maschte.
Do hani vom ene Queerdragwärk au no e Prototyp aagfertigt. Die Konschtruktion isch scho gnue stabyl gsii, aber seer seer ufwändig zum boue.
