rr_fooder04.jpg
Raurach - s Projäkt
Aagsiidlet isch s ganzi Gschee in dr Gmäini Raurach. Raurach isch e fiktyvs Stedtli nöimen im obere Baselbiet. Vo dört chunnt au dr Name "Raurach" (das isch en Abläitig vom keltische Stamm vo de Rauriker oder Rauraker, wo do in früechere Zytte dehäi gsii sy; lat.: raurici, rauraci). Zytlich sy mer öppen in dr Epoche III - IV, allerdings nimm ich das nid esoo puritaanisch gnau. "Erlaubt isch, wenns gfallt", aber e stimmigs Gsamtbild sött nadüürlig scho entstoo.
Am Aafang vo dr ganze Plaanig han ich mir emol Gedanke drüber gmacht, wievill Zyt chan ich in das Vorhaa inveschtiere und wie gseets überhaupt mit de Chöschten öppen uus. Jo sicher, e Modällyysebaan wird jo nie ganz "fertig", wie jeeden Yysebäänler wäiss. Aber es söll jo denn scho mol en Alaag do stoo, wo au laufft und wo me cha aaluege.

Ich ha für my Alaag im Baschtelruum en Egge vo öppe 400 x 300 cm frei. Das häisst, i cha die nöiji Alaag übers Egg boue, also in ere L-Form. Das gfallt mir äidütig besser, wie no die rächteggigi Form vo dr alten Alaag.

Ass jetz das Projäkt zytlich und au finanziell im ene verträtbaare Raame blybt, söll dr Gläisplan ender äifach blyybe. Däwääg wird derno au d Alaag nid mit Gläis vollbiige und s git e schöns Zämmespiil zwüsche dr Yysebaan und dr Landschaft drumumme.

Wichtiger as d Technik isch für mi äigentlig sowyso d Gstaltig vo dr Alaag. Nääbe dr Gstaltig vo dr Landschaft bou ich jo au no alli Hüüsli und süschtigs sälber, das bruucht nadüürlig au sy Zyt.
Erschti Überleggige
rr_bild_0004.jpg
S Thema vo dr Alaag
Uf dr Alaag söll en äignigs Stückli Baselbiet entstoo. Die schöni Jura-Landschaft isch doch wie gmacht as Vorlaag für e Modällyysebaan.
Die nöiji Alaag bou ich mit äinzelne Segmänt as "Lyychtbou". Mit rund 90 cm Dieffi wird si e chly schmaaler as die erschti Alaag. Derfüür isch s schaffe draa äifacher, me chunnt au besser an die hindere Stelle. Dr Gläisplan söll, wie scho gsäit, mögligscht äifach blyybe.
Emol abgsee vom Baanhof Raurach isch dr Gläisplan noonig feschtgläit. Die Skizze do zäigt emol äifach d Idee, wo dr Alaag z Grund liggt.
S Konzäpt
Was wäär en Yysebäänli scho ooni Gläis ... ? Ebe jo. Jetz han ich die alti Alaag jo no mit Arnold-Gläis boue, mit däm bin i gar und ganz nid zfriide gsii. Das Gläis läitet dr Stroom miseraabel. D Züüg si stellewyys fascht stoo bliibe. Für dr Nöibou bruuch i drum vor allem Minitrix- und Roco-Gläis. Das het sich im Faarbetriib äidütig as am sicherschte erwiise.

Die ganzi Gleisalaag bou i zerscht emol no ooni Faarläitig. Die chunnt denn derno aber scho no. S Trassee wird au entsprächend boue.
Ass ich d Faarläitig sälber due boue stoot mittlerwyyle fescht. Ich ha jo in dr Zwüschezyt bim boue vo de chlyynen Alaage gnue Erfaarige chönne sammle, zum dr Ufwand chönne abzschetze, wos bruucht.
D Faarläitig bou ich as Atrappe, also ooni äigentligi Funktion. Eso chan i derfüür e fyyne Faardroot spanne und s bruucht au käini Faarläitige in de Tunnel.

Zum Schluss blybt no d Froog, öb ich analog oder digital wött faare. Ich dänk, für myni Aasprüch längt en analoge Betriib als no. Und esoo ne riisigi Alaag isch s jo au wiider nid. Überhaupt bin ich scho eender dr "Jo-s-muess-halt-au-sy"-Elektriker und weniger dr Elektronik-Freak. Also, d Stüürig vo deeren Alaag wird sicher so äifach, wies numme goot.
D Technik
Bi dr Gstaltig vo dr Landschaft wött i derno e paar Sache vo dr alten Alaag übernee. S Stedtli, won ich jo as separats Däil boue ha, wird i ganz sicher wiider yyboue. Nadüürlig au dr Wildestäi und d Saagi. Und s groossi Viadukt sött, wenn s immer goot, scho au wiider e Platz finde.
rauri_glpl01.jpg
rauri008010.gif
rauri_14_bg0208.jpg
rauri008009.gif
rauri008008.gif
rauri008007.gif
rauri008006.gif
rauri008005.gif
Home
Raurach
s Projäkt
Boubricht
Gläisplan
Kontakt
Imprässum
Links
Geschtebuech
rauri008004.gif
Galery
Myni Chlyyne
rauri008003.gif
rauri_btn_ch.jpg
rauri_btn_de.jpg
rauri008002.gif
s Wörterbuech
das Wörterbuch
Baselbieterdütsch
- Hochdeutsch
rauri_btn_uptransp.gif
rauri_btn_lefttransp.gif
rauri008001.gif