S Stedtli han i wie scho d Saagi as separate Däil boue, won i spööter cha uf dr Aalag yysetze. Am ene söttige Däilstück cha me scho vill besser schaffe, speziell an de Detail. Me chunnt halt besser zueche, ass weme müesst uf dr groossen Alaag hantiere
S Stedtli
Stadtplaanig
S Stedtli het bequeem uf em Arbetsdisch Platz.
Für d Stroossebelääg wie do d Pflaschterstäi oder d Trottoir entwirf ich am PC äigeni Stroosseplatte, won i derno uf eme dicke Papier due uusdrucke.
Do han i scho e Däil vo myne Stroosseplatte ufzoogen und farblig bearbäitet. Die asphaltierte Däil mool i mit Acrylfarbe grad diräkt uf e gspachtleten Undergrund. Au d Übergäng duen i vorhäär no süüberli verspachtle.
Zur Beguetachtig vo deere Bouerei han i mol d Hüüsli ufgstellt. Es macht doch schon e rächt e gueti Falle.
Wenn alli Stroosse gmacht sy, chönne d Hüüsli und d Muure fescht yyboue wärde. Jetz goots au an d Detäil.
S ganze Stedtli uf äi Blick. S fertige Däil bruucht e Grundflechi vo guet 95 uf 55 Santimeter.
