Für die, wo villicht gärn e chly mee über d Gröössi und d Dimensioone vo dr Alaag wäi wüsse, han ich do emol e paar Zaale zämme gsuecht.
D Alaag "Raurach" het en L-Form und bruucht e Flechi vo öppe 390 x 290 cm. D Diefi liggt zwüsche 80 - 90 cm.
Die gsamti Lengi vo de Gläis han i nid uusgrächnet. Aber emol grob gschetzt dörfte scho eso um die 40 Meter zämme choo.
Zum Gläisbou han ich vor allem Minitrix-, Roco- und e paar Fleischmaa-Gläis bruucht. Dr chlynschti Radius het bi dr Hauptstrecki 40 cm, au im verdeckte Däil. Bi dr Nääbestrecki bin i um chlyneri Bööge nid ganz umme choo, do han i im verdeckte Däil e paar R2 bruucht.
D Styygige sy uf dr Hauptstrecki um die 1,5% bis maximal 2% stark, uf dr Nääbebaan goots bis zue 2%, allerhöggschtens 2,5%.
