D Alaag "Chrüzalp" isch eso gar nid plaant gsii. Äigentlig han ich emol "öppis amerikanischs" wölle mache. Won i derno aber d Gläis fertig verläit gha ha, hets mi doch alles e chly z äng dunkt für en amerikanischi Landschaft. Und eso han i halt umdischponiert und denn glych e Bärglandschaft im yyhäimische Stiil gstaltet.
Dr Gläisplan uf ere Flechi vo 150 x 70 cm zäigt, ass die Alaag us zwäi Strecke bestoot. Die üsseri goot äifach imene Oval ringsum und die inneri, also d "Bärgstrecki" füert über e paar Cheerene in d Höchi.
D Elektrik isch äifach. D Wäiche sy als Handwäichen yyboue. D Strecke sy in zwäi Stromchräis ufdäilt. Die zwäi Baanhofsgläis vo dr innere Strecki sy äinzlen schaltbar, no chönne do zwäi Züüg abwächsligswyys vercheere.
