"Michelsee" han i noch dr Vorlaag vo "Wasserfalle" für en Ysebäänlifründ boue. Das isch e schöni Arbet gsii und e gueti Gläägehäit, dr Bou vo dr Faarläitig wyter z üebe und z verfynere.
D Gläisplään vo "Michelsee" und "Wasserfalle" sy meer oder weniger glyych. Im Baanhof han i Boogewäiche yboue, so hets e chly lengeri Perron gee. Dr Triibwaage vo dr Aaschlussbaan het en äigenigs Haltegläis übechoo.
Im Geegesatz zue "Wasserfalle" isch die Aalaag in drei Stromchräis ufdäilt. D Aaschlussbaan zum chlyne Baanhof isch als dritte Stromchräis derzue choo. D Gläis 2, 3 und 4 im Baanhof Michelsee sy äinzeln aa- und abschaltbar.
Bi däm zwäite Versuech isch d Faarläitig no fyner usgfalle. Die schlankere Maschte würke doch weniger uffellig im Landschaftsbild. Grad bi sonere chlyne Aalaag isch d Würkig no besser.
D Faarläitig isch au do en Attrappe, si het also käi ächti Funktion. Aber die optisch Würkig isch gar nid schlächt. S isch zwar e veräifachti Bouwyys, aber s d Erschynig vonere SBB-Faarläitig isch doch rächt guet troffe.
D Aasicht vo dr ganzen Aalaag "Michelsee" in dr Totale.
