D Faarläitig uf dr Aalaag "Wasserfalle" han i komplett sälber boue. S isch allerdings en Attrappe, wo käi würkligi Funktion het.
Wasserfalle het käi konkrets Vorbild, s chönnt aber guet neume in de zentralschwiizer Voralpe ligge. S isch e typischi Bärglandschaft, wo s Säilbäänli nadüürlig nid dörf feele. Dr Name chunnt vom Wasserfall, wo sich übere Felswand in See stürzt. Mit deere Bärglandschaft löön sich die änge Gläisbööge vo dr Hauptbaan guet verstecke, so gseets au nid z fescht noch eme äifache "Chräisvercheer" uus.
Uf ere Grundflächi vo rund 135 uf 70 cm het nääben ere zwäigläisige Hauptbahn no en Aaschlussbahn zuen ere chlynere Ändstation im oberen Egg Platz gfunde.
Dr Gläisplaan isch in zwäi Stromchräis ufdäilt. Mit Stop-Wäiche, resp. Trenstelle sy d Baanhofsgläis und au d Nääbestrecki aa- und abschaltbar. Eso chönne bis zu drei Züüg uf dr Aalaag faare.
Do gseet me e Däil vo dr Faarläitig im Roobou. D Quertraagwärk han i do emol uffgstellt zum luege, öb alles stimmt.
