"Walpurgy" isch, wie s dr Name scho säit, e räini Fantasieortschaft, e verträumts Dörfli in ere romantische Landschaft - eso e richtigi Modällbaanwält halt.
Dr Gläisplan isch nadüürlig au do äifach ghalte. S doppleten Oval sorgt für e lengeri Faarstrecki. Ass d Perron äinigermaasse lang gnue sy, han i Boogewäiche yyboue.
D Wäiche han i als Handwäiche yygsetzt, wo by deere Aalaagegröössi guet chönne bedient wärde. Mit dr Stopwäiche-Funktion chönne d Baanhofsgläis aa- und abgschaltet wärde. S bruucht denn als Verkabelig numme no zwäi Drööt für dr Faarstrom.
Walpurgy
Wär mee wött wüsse, e Boubricht zur Aalaag "Walpurgy" gits under 'Anlagenbau' uf dr "9mm"-Websyte:
Dr farbig Gläisplaan, wo me oobe gseet, han i zäichnet, wo d Aalaag scho fertig gsii isch. S gseet halt villicht e chly proffessioneller us uf dr Homepage.
Zum d Aalaag boue han i numme e Skizze bruucht, wo öppe zäigt, wie d Aalaag söll wärde. Noch deere Skizze han i d Gläis mit e bitz prööble uf dr Platte verläit.
Do sy d Gläis fertig uusgläit und s Trassee isch zum zueschnyde aazäichnet.
Und eso gseeje die fertig montierte Gläis und Trassee uus.
