D Saagi han i so quasi as chlyyses Diorama boue, won i denn cha in d Aalag ysetze.
Am ene söttige Däil loot sich doch vill lyychter schaffe, wenns noonig uf dr Aalag stoot und me denn nümmen ooni müeseeligi Verränkige zueche chunnt.
Grad zum die chlyyne Detäil aabringe, ischs esoo doch scho vill bequeemer.
D Saagi
D Saagi han i wie alli Hüüser sälber boue. Usser em Chraane, dä isch us dr Baschtelchischte, s isch glaub emol e Faller-Bousatz gsii. Für d Baumstämm han i ächts Holz bruucht, nämmlig äifach dünni Eschtli. D Holzbyygene mit de zuegsaagte Balke sy us Zündhölzli gmacht. Au dr Prellbock isch mit dr "Zündhölzli-Techik" zämme gsetzt.
So, d Saagi isch fertig und wartet uf dr Yybou in d Aalag.
