Wie bout me jetz esone Alaag, mit eme Raame drunder oder doch äifach ufere Platte? Das isch die Froog, wo äigentllig immer am Afang vonere nöijen Alaag uf äin zu e chunnt. Ich ha mi für käini vo deene Variante entschiide, will ich au die groossi Alaag in mynere äigene Technik wird boue.
Erfaarige mit deere "Lyychtbou-Technik" han i jo mit de chlyynen Alaage, won i bis do aane scho boue ha, scho gnue chönne sammle.
Für dr Underbou vo dr Alaag bruuch ich e stabyle Wällkarton, won i zum Däil meerfach due verlyyme. Für d Trassee und d Grundforme vo dr Landschaft bou i Spanten yy, wie me das mit Holz au würdi mache.
Zum die ganzi Sach z versterke, schüüm i, wo s nötig isch die Konschtruktion mit Bouschuum (PU-Schuum) uus. Das git e seer stabyli Sach, s isch also quasi e Bouwyys "en Bloc". Dr Vordäil dervo isch s chlyyne Gwicht, so dass me d Alaag au ooni Problem no cha umme fuege, zum dra schaffe.
En uusfüürligi Beschryybig mit Föteli chunnt denn do scho no ...
